YB-Rägeboge-Jasscharte

Informatione zum Schpiu

Syt über 50 Jahr wird im Juni der Pride Month gfyret. «Pride» (uf Dütsch «Stolz») söu signalisiere, dass sich LGBTQIA+ Mönsche nid söue oder müesse schäme, so chönne ds sy, wie si si.

Im Rahme vom Pride Month isch di erschti limitierti Uflag vo üsne Rägeboge-Jasscharte entschtange. Üsi farbige Jasschärtli füehre mir iz i Zämearbeit mit em BSC YB wyter.

Der Juni schteit für Schtouz, Toleranz, Säubschtbewusstsy u d Viufaut vor Gseuschaft. Glychzytig wird im Juni gäge Kriminalisierig, Schtigmatisierig und Usgränzig kämpft. Mit dene Jasscharte erhoffe mir üs, dass Lüt zum Dänke agregt wärde, wo vilich ke Zuegang zur LGBTQIA+ Community hei. ⁠🌈⁠

Verchouft wärde d Jasscharte für CHF 14.00 pro Charteset. Dervo schpände mir jewils CHF 3.00 ah Queeramnesty Schweiz - än ehrenamtlechi Gruppe wo sich zum Themegebiet Mönscherächt, sexuelli Orientierig und gschlächtlächer Identität ysetzt. D Gruppe isch Teil vo Amnesty Switzerland.

Fakte zum Schpiu